गजल

कल्पनाको धरातलमा हराएर गजल लेख्छु
कैले कही आँफै देखी रमाएर गजल लेख्छु

मन का अनेक भाबहरु साहित्यमा उतार्नलाई
रदिफ र काफियामा ढलाएर गजल लेख्छु

राजनीतीको फोहोरी त्यो खेल बाट टाढा कतै
साहित्यलाई माया गर्ने बनाएर गजल लेख्छु

गजल नबुज्नेलाई पनि बुजाउने कोसिस गर्दै
स्पष्ट ति शब्दहरु सच्याएर गजल लेख्छु

कहिले हाँस्दै गरेकालाई रुन बाध्य हुने गरि
अनी कहिले रोएकालाई हसाएर गजल लेख्छु
-अशिष दनाई
बेसिशहर, लमजुङ
प्रसारण मिति : असोज ९ गते मंगलबार २०६९