गजल

जसको लक्ष्य आफ्नै खप्परतिर घुम्छ ।
त्यसैले नै सफलताको शिखर चुम्छ ।

बुझ्छ जब यो देह अर्काको शिकार हो
अनि बल्ल मन बुध्दिलाई लक्ष्यमा हुम्छ ।

आफ्नो कर्तव्य नै थाहा भएन मान्छेलाई
त्यसैले त गिद्दले जस्तै गरि सिन्हो ठुम्छ ।

आफ्नो कर्मै भूलेर अधिकार मात्रै खोज्दा
हात खालि हून्छ र आफ्नै अस्तित्व गुम्छ ।

भौतिक विलासमै आशक्त बढेपछि
मदिरा र सुन्दरीकै बगलमा झुम्छ ।

कामनाकै पूर्तिमा लिप्त भयो भने त्यो
पशु बन्छ र भोग विलासि निन्द्रामै उम्छ ।

उहि ऋषिराम लम्साल
कुलिनखोला स्याङ्गजा हाल यू ए ई

प्रसारण मिति : असोज ९ गते मंगलबार २०६९