गजल

पर्खाईमा नयन बिछ्याई रुँदै होलान् आमा-बाबा..!!
आगनीको डिलमा आँशु फुँदै होलान् आमा-बाबा..!!

मेरो सानो रुन्चे बाबु काख्मा च्यापी यति खेर..
भित्तामा छ मेरो तस्विर छुँदै होलान् आमा-बाबा..!!

दशधारा दुधको मुल्य तिर्न कहाँ सक्या छु र..
सम्झनामा भावहित हुँदै होलान् आमा-बाबा..!!

आँखा मा बर्षात होला मुटु मा पहिरो जाला..
र पनि त फाटेको मन् धुँदै होलान् आमा-बाबा..!!

दशैँ आयो घरदैलोमा रमाईलो हुँदै होला..
नयनबाट बर्षा सरी चुँदै होलान् आमा-बाबा..!!

लक्ष्मण मिलन विष्ट अछाम कालिकास्थान अछाम ।
हाल भारतको बिरानो शहर मुम्बै ।
प्रसारण मिति ३० असोज  २०६९